text.skipToContent text.skipToNavigation
background-image

Nus duas von Lergier-Caviezel, Leontina (eBook)

  • Verlag: Chasa Editura Rumantscha
eBook (ePUB)
13,99 €
inkl. gesetzl. MwSt.
Sofort per Download lieferbar

Online verfügbar

Nus duas

Ellas creschan si sco vischinas ed èn da pitschen ensi inseparablas. Partan tut. Cura che l'ami banduna ina dad ellas tut nunspetgadamain, datti in stgarp en lur relaziun. È l'ami propi la culpa u balluccavan ils fundaments da lur amicizia gia daditg? Ist tatsächlich der Freund Schuld an diesem Beziehungsbruch der zwei seit immer besten Freundinnen? Oder wackelte die Beziehungsbasis der zwei Freundinnen bereits früher? Leontina Lergier-Caviezel (1956) ist in Vrin/Val Lumnezia aufgewachsen. Nach 1 Jahr in Genf, absolviert sie die KV-Lehre. Sie ist Mutter von zwei erwachsenen Söhnen. Mit ihrer Familie hat sie mehrere Jahre in New York, Wengen, Sedrun und Puntraschigna gelebt und gearbeitet. Seit 8 Jahren lebt sie jetzt in der Nähe von Bern. Leontina Lergier-Caviezel hat Gedichte und Erzählungen in verschiedenen Reihen publiziert. Für die Tageszeitung La Quotidiana schreibt sie regelmässig Kolumnen. Ihr Romanerstling Romana erschien 2006.

Produktinformationen

    Format: ePUB
    Kopierschutz: AdobeDRM
    Seitenzahl: 240
    ISBN: 9783038459064
    Verlag: Chasa Editura Rumantscha
    Größe: 516kBytes
Weiterlesen weniger lesen

Nus duas

Emprema part

"Uela, tgei surpresa!"

Jeu enconuschel immediat sia vusch. Suenter tut quels onns. E sentel e vesel cuninaga co nauschasperts dagitg bandischai cuchegian orda mintga encarden. Els fladan en l'umbriva dalla bargia denter casas, laghegian neu dalla cantunada, sezuppan davos ils geranis sin cruna. Fan ghigas e befrognan. Ed jeu laguotel da vit ed emprovel da calmar mia agitaziun. Vi guder miu espresso e leger La Quotidiana e la Südost schweiz en pasch e ruaus. Nuot auter.

Jeu vegni darar sin viseta. Memia darar. Recloma mia mumma stediamein e miu bab lai dar tut agradgiu schigleiti che sia biadia cumpara puspei inaga sin la sava. Ella ei sia princessa e cun ses otg onns sa ella d'uriala co far diever e maldiever da siu tron. Schispert che tat ei dentuorn vegnan mes camonds e scamonds semplamein negligi. Aschia hai jeu maneivel peda da guder enqual uretta davon l'ustria. En discuors cun mia mumma, sch'ella ha buca gest hosps ni ei schiglioc fatschentada. Ni dend ina paterlada cun enconuschents che vegnan ell'ustria. E sche negin ei dentuorn, gaudel jeu semplamein persula il sulegl alpin. In caffè davon il nas e la gasetta entamaun. Sco tochen avon in mumenet. Cu il mund era aunc en siu esser.

Jeu semeinel plaun e plattamein:

"Hmm!"

Speronza tradescha mia reacziun nuot da mes sentiments, tuna reservada e casuala. Nuot da surpresa ed aunc meins da legria. En tuttacass duess ella buca esser in invit. Da sche pusseivel aunc seplaccar sper mei.

Anzi.

Jeu sperel ch'ella mondi per siu fatg. Senza mulestar mei.

"Flot ch'ins sevesa puspei inaga."

Fa Brida pacific e setschenta daveras sin la sutga sper mei.

Sco sche nuot fuss capitau.

Ina tala gagliardia.

Brida. Ella fa buca la breigia da cuvierer quels pèr grischs ch'ein bein veseivels denter sia bera stgira, quasi nera. Ses egls stgir-brins ein impressiunonts, ein sia noda-casa. Sia egliada ei profunda ed emparonta. E fa matei aunc adina impressiun a tut tgi ch'ella entaupa e cunzun alla schlatteina masculina. Jeu tscherchel ed anflel strusch ina faulda els encardens da ses egls e sia figura ei bunamein quella da pli baul. Ella ei buca maridada. Aunc adina buc. Ha buca affons. Persuenter ha ella fatg ina hazra carriera. Sco mumma resda. Informada ch'ella vegn da sia vischina, la mumma da Brida.

Mia mumma sesenta obligada d'informar mei. Dapi che jeu hai zacu, avon ina perpetnadad, fatg da saver a mes geniturs che Brida ed jeu hagien buca contact pli. Ei haveva duvrau curascha d'informar els, malgrad che jeu vevel spitgau piazas. Per gie buca tradir damemia, daventar emoziunala e perder la controlla sur da sentiments teni bein a mistregn mo schigitg ch'jeu erel habla d'untgir las regurdientschas. Els vevan laguttiu da vit. Lezza ga, cu jeu vevel informau els. Surtut mumma veva vuliu saver. Tgei che seigi pomai capitau.

"Nuot."

Vev'jeu pretendiu en in tun che veva scumandau ulteriuras damondas. Damondas che vessen aviert las plagas aunc strusch uridas.

Ed els vevan acceptau. Han mai pli menziunau il tema. Quei che secapescha tuttavia buca da sesez tier mia mumma. Che s'empatscha in quex da giavischs mo miez formulai. E ch'untgescha mai la verdad. Ella ei buca quella da discuorer entuorn la buglia.

Tgisà sch'ella ha discurriu zacu cun sia vischina, la mumma da Brida? Pervia da Brida e mei. Ualvess. Mumma vess informau mei. Ella ei era buca quella che fa enzatgei davos dies a zatgi. Ed insumma. La mumma da Brida vess buca giu dapli informaziuns en caussa. Ton ei cert. Ni era buc. Avon onns erel jeu segira d'enconuscher Brida e tuttina vev'jeu zacu stuiu reveder miu meini.

Jeu tscherchel adumbatten plaids adattai. Mirel agraden a Brida e sun irritada ch'ella gnanc untgescha mia egliada.

En quei mument cumpara mia mumma alla sava. Seretegn cuort vesend Brida. Mo cuninaga eis ella puspei sesezza. Ustiera da professiun. Veg

Weiterlesen weniger lesen

Kundenbewertungen